မျိုးစေ့ကျွမ်းကျင်မှုဆိုင်ရာကော်မတီ Technical Seed Comitie (TSC) တင်ပြရာတွင် ဆောင်ရွက်ရမည့်လုပ်ငန်းနှင့် မှတ်တမ်းကောက်ယူခြင်း

၁။	သီးနှံအမည်	- မြေပဲ
၂။	စိုက်ပျိုးရာသီ/ဒေသ / အကြိမ်	- မိုး၊မိုးနှောင်း/ တစ်ကြိမ်၊ မြေပဲသီးနှံအများဆုံး စိုက်ပျိုးသော                                                 ဒေသများ (မကွေး၊ ညောင်ဦး၊မြင်းခြံ)
၃။	အသုံးပြုမည့် စံထားမျိုး	- ဆင်းပဒေသာ -၇ ၊ ဆင်းပဒေသာ -၁၁ ၊ ဒေသမျိုး
၄။	အကွက်အရွယ်အစား	- ၁၅ ပေ × ၆ တန်း
၅။	တန်းကြား၊ ပင်ကြား
	ပင်ထောင်မျိုး	- ၁၂ လက်မ × ၄လက်မ - ၁၅ လက်မ × ၄လက်မ
	ပင်ပြန့်မျိုး	- ၁၅ လက်မ × ၆ လက်မ - ၁၈ လက်မ × ၆ လက်မ
၆။	စမ်းသပ်ကွက်ပုံစံ	- RCB Design​
	ထပ်ပြုကြိမ်	-  စမ်းသပ်မည့်မျိုးအရေအတွက်ပေါ်မူတည်၍ ဆောင်ရွက်ရန်
၇။	မြေသြဇာနှုန်းထား	- တစ်ဧကနှုန်းထား
	ယူရီးယား​	- ၂၈ ပေါင်/ဧက
	တီစူပါ	- ၈၄ ပေါင်/ဧက
	ပိုတက်ရှ်စီယမ်	- ၂၈ပေါင်/ဧက
	နွားချေး/ ကြက်ချေး	- ၂၀၀ပေါင်/ ဧက ( ၄၅-၅၀) ရက်သားတွင်ထည့်ပါ။

 

၈။    အပင်ပြုစုမှုနည်းစနစ် -   
- အပင်ပေါက်ရာခိုင်နှုန်း ၈၀ % ရှိသော မြေပဲမျိုးများကိုသာ မျိုး အဖြစ် အသုံးပြုပါ။
- မျိုးစေ့ကိုပဲမြစ်ဖုမြေသြဇာတစ်ဧက တစ်ထုပ်နှုန်းဖြင့်လူးနယ် စိုက်ပျိုးပါ။
- မျိုးစေ့များကို မြေအတိမ်အနက် ၂ လက်မ တွင်စိုက်ပျိုးပါ။
- ပေါင်းမြက်များကို အပင်ငယ်စဥ်တွင်နှိမ်နှင်းပါ။
- အပင်သက်တမ်း ၅၅ ရက်နှင့် ၇၅ ရက်ကြားတွင် ရေလို အပ်ပါက ရေပေးသွင်းပါ။
- အထက်စွယ်များ အတောင့်ဖြစ်စေရန်ရည်ရွယ်ချက်ဖြင့် ဘောင် တင်ခြင်း မပြုလုပ်ရပါ။
- ကောင်းစွာအောင်မြင်သောအတောင့် (၇၀) ရာခိုင်နှုန်းနှင့် အထက် ရှိလျှင်နှုတ်သိမ်းပါ။

၉။    ကောက်ယူရမည့်မှတ်တမ်းများနှင့်ကောက်ယူရမည့်စံချိန်စံညွှန်းများ 
၅၀ ရာခိုင်နှုန်းအပင်ပေါက်စုံရက်
- အကွက်ငယ်အတွင်းရှိ အပင်ဦးရေစုစုပေါင်း၏ ၅၀% အပင် ပေါက်စုံသောနေ့ကို မှတ်ယူရန် ဖြစ်သည်။ 
ပန်းစတင်ပွင့်ရက် 
- အကွက်ငယ်အတွင်းရှိအပင်များ၏ ပန်းစပွင့်သောရက်ကို ကောက်ယူရန် ဖြစ်ပါသည်။

၅၀ ရာခိုင်နှုန်းပန်းပွင့်ရက်
- အကွက်ငယ်အတွင်းရှိ အပင်ဦးရေစုစုပေါင်း၏ ထက်ဝက် အပင်ဦးရေမှ ပန်းပွင့်သောရက်ကို ကောက်ယူရန် ဖြစ်ပါသည်။

တစ်ပင်ပါအောင်တောင့်
- တစ်ပင်ပါအောင်တောင့်ကိုရေတွက်ရာ၌ နမူနာယူထား သော အပင် (၁၀) ပင်မှ အတောင့် အရေအတွက်ကို ရေတွက်ရန်ဖြစ်ပါသည်။ 
- အောင်တောင့်ရေတွက်ရာတွင် အောင်မြင်သော မြေပဲ တောင့်ကိုသာ ရေတွက်ရမည် ဖြစ်ပါသည်။ နမူနာယူသော အပင် (၁၀)ပင်သည် စမ်းသပ်ကွက်ကို ကိုယ်စားပြုသော အပင်များဖြစ်ရန်လိုအပ်ပါသည်။ 

၁၀ ပင်အထွက် (ဂရမ်)
- နမူနာယူထားသော အပင် (၁၀)ပင် ၏ အစေ့အလေးချိန်ကို ချိန်တွယ်ရန်ဖြစ်ပါသည်။ 

အကွက်အထွက် (ဂရမ်)
- စမ်းသပ်ကွက်ငယ်တစ်ခု၏ အစေ့အလေးချိန်ကိုချိန်တွယ်ရန် ဖြစ်ပါသည်။ 

အတောင့် ၁၀၀ အလေးချိန်(ဂရမ်)
- နမူနာ (၁၀)ပင်အထွက်မှ အတောင့် ၁၀၀ အလေးချိန်ကို ချိန်တွယ်ရန်ဖြစ်ပါသည်။
 
အစေ့ ၁၀၀ အလေးချိန်(ဂရမ်)
- နမူနာ (၁၀)ပင်အထွက်မှ အစေ့ ၁၀၀ အလေးချိန်ကို ချိန်တွယ် ရန် ဖြစ်ပါသည်။ 

 အဆံထွက်ရာခိုင်နှုန်း ( %)

                           အစေံအလေးချိန် 
အဆံထွက်(%) =---------------------------------------- × 100
                            အတောင့်အလေးချိန်(g)

ဆီထွက်ရာခိုင်နှုန်း 
- ဆီပါဝင်မှုရာခိုင်နှုန်းကိုဓါတ်ခွဲခန်းသို့ ပေးပို့စမ်းသပ်ရမည် ဖြစ်ပါသည်။

ရိတ်သိမ်းရက်
- ကောင်းစွာအောင်မြင်သောအတောင့် (၇၀) ရာခိုင်နှုန်းနှင့် အထက်ရှိလျှင်နှုတ်သိမ်းရမည်ဖြစ်ပါသည်။    

၁၀။    အထွက်နှုန်းတွက်ချက်ခြင်း

တစ်ဧကအတွက်                            အကွက်အထွက် (g) × 43560 × 2.2
(တင်း)                  =  ---------------------------------------------------------------
                                                    အကွက်အရွယ် × 1000 × 25

၁၁။    စမ်းသပ်ကွက်ကုန်ကျစရိတ် (၀.၅၀ဧက)

 

ထည့်သွင်းဖေါ်ပြရမည့်အရည်အချင်းလက္ခဏာများ

၁။	မိဘအမည်(သို့) လိုင်းနံပါတ်
၂။	မူရင်းဒေသ
၃။	စတင်စမ်းသပ်သည့်ခုနှစ်
၄။	စမ်းသပ်သည့်ကာလ
၅။	စမ်းသပ်သည့်ဒေသ
၆။	အသုံးပြုသည့်စံထားမျိုး
၇။	တစ်ပင်ပါအောင်တောင့်
၈။	အဆံထွက်ရာနှုန်း
၉။	အစေ့ ၁၀၀ အလေးချိန် (ဂရမ်)
၁၀။	ဆီပါဝင်မှုရာခိုင်နှုန်း
၁၁။	အထွက်နှုန်း (တင်း/ဧက)
၁၂။	အထွက်ပို(တင်း)
၁၃။	အသက်ရက်
၁၄။	သင့်တော်သည့်ဒေသ
၁၅။	ထူးခြားသောလက္ခဏာများ
၁၆။	ဗီဇပြုပြင်ထားသောသီးနှံဟုတ် /မဟုတ်